A do t’i besojë tash e tutje “Mercedes” Qeverisë së Kosovës

E publikuar: 26/11/2015 16:08
Rreshtat+- AShkronjat+- Printo

Gjatë viteve 2012/13, Qeveria e Kosovës e kishte të ndaluar të blejë vetura “Mercedes”. Këtë ndalesë gjiganti gjerman e kishte bërë për shkak të shkallës së lartë të korrupsionit në Kosovë. Atë kohë shef i Qeverisë ishte Hashim Thaçi. Kryeministri Isa Mustafa të mërkurën ka vizituar zyrat e kompanisë “Mercedes”, që shumëkush e konsideron “baba” të veturave. Madje Mustafa është takuar edhe me drejtuesit e kësaj kompanie, por ende mbetet e paqartë se a janë ndrequr raportet mes Qeverisë dhe kësaj kompanie. Gazeta Express ka tentuar të marrë një përgjigje nga Qeveria e Kosovës, por kjo ka qenë e pa mundur.

Drejtues të kompanisë “Kacandolli” që janë të autorizuarit aktual për shtijën e Mercedesit në Kosovë kanë treguar se deri tani nuk kanë shitur asnjë veturë të tillë në Institucionet e Kosovës. Por, ata ka thënë se në kontratën që e kanë nënshkruar me Merecesdin para disa muajve nuk specifikohet ndonjë ndalës e shitjeve.

“Ne para katër muajve e kemi marrë përfaqësinë për shitjen e veturave Mercedes për Kosovë. Deri tani nuk kemi shit vetura të tilla në institucione. Mirëpo, ne kontratë nuk ka ndalesa për shitje në institucione. Vetëm në një pikë thuhet se nëse ka interesim në blerje të veturave na institucionet, duhet të informohet edhe pika gjeneral e Mercedesit”, kanë treguar ata.

E, disa nga drejtuesit e kompanive, që kanë qenë të autorizuar të shesin vetura të Mercedesit në Kosovë, kanë treguar për Express, kanë pasur njoftime nga drejtuesit e kësaj kompanie që të kenë kujdes më shitjen që e bëjnë për institucionet.

“Na është tërhequr vërejta që të kemi kujdes me shitjen e veturave për institucione. Madje ka qenë edhe shumë e vështirë të betë shitjet e një vetura të tillë, pasi janë kërkuar me dhjetëra dokumente dhe ka zgjatur shumë procedura. Thjesht kanë kërkuar siguri të madhe, sepse nuk kanë pasur besim në Qeverinë e Kosovës”, kanë treguar për Express përfaqurës të kompanive.

Derisa, zyrtarët e kompanisë “Daimler Ag” vite me parë patën deklaruar par mediat e Kosovës se kanë vendosur me Kosovën të bëjnë biznes vetëm si transaksione të drejtpërdrejta.

“Ne kemi vendosur të bëjmë biznes me institucionet qeveritare dhe organizatat ndërkombëtare vetëm si transaksione të drejtpërdrejta me një numër vendesh, ku përfshihet edhe Kosova. Kjo na garanton një shkallë të lartë të transparencës në proceset biznesore”, patën thënë zhytar ligjore të “Daimler Ag” në Stuttgart të Gjermanisë. /Gazeta Express/.