A do të jetë teknologjia Blockchain fundi i sulmeve DDoS?

30.09.2017 20:15
Rreshtat+- AShkronjat+- Printo
A do të jetë teknologjia Blockchain fundi i sulmeve DDoS?

Sulmet Distributed Denial of Service (DDoS) – sulme kibernetike përmes të cilave hakerat nxjerrin jashtë funksioni një uebsajt apo burime tjetër informacioni në ueb duke e mbingarkuar me kërkesa të shumta nga disa pajisje njëherazi – përbëjnë një prej rreziqeve madhore për bizneset dhe organizatat në internet.

Dëmi i shkaktuar nga një sulm i tillë ndaj një kompanie e cila mbështet aktivitetin e saj plotësisht online është i pa llogaritshëm. Shembujt e sulmeve DDoS kanë qenë të shumta vitet e fundit ndërsa kriminelët kanë filluar të kërkojnë para nga kompanitë nëse nuk duan të jenë pre e sulmeve DDoS.

Në dekadën e fundit teknologji të ndryshme janë zhvilluar për të reduktuar rrezikun e sulmeve DDoS, por edhe aftësitë e hakerave kanë avancuar gjithashtu.

Falë Internetit të Gjërave, hakerët sot kanë akses në më shumë mjete të cilat fuqizojnë tej sulmet DDoS.

Thembra e Akilit e mbrojtjeve ndaj sulmeve DDoS është fuqia e tyre për absorbuar sasitë e mëdha të trafikut, një proces i cili kërkon shumë bandwidth por edhe fuqi procesorike.

Nga ana tjetër kriminelët sulmojnë me anë të “zombive,” kompjutera të marrë nën kontroll përmes maluerëve që do të thotë se resurset e tyre janë falas për tu përdorur.

Nisur nga kostoja e lartë e mbrotjes DDoS, firmat që ofrojnë një shërbim të tillë paguhen nga bizneset për të përballuar sasitë e larta të trafikut, një kosto e lartë për çdo organizatë e të cilave nuk i ngelet opsion tjetër.

Firma të tjera sigurie ofrojnë mbrojtje deri në atë masë sa ky shërbim është fitimprurës për ta. Rast konkret është sulmi DDoS ndaj uebsajtit të ekspertit të sigurisë Brian Krebs i cili atë kohë mbrohej nga Akamai.

Kompania i tha Krebs se nuk mund ta mbronte më sajtin e tij të cilin duhej ta zhvendoste tek një tjetër kompani.

E thënë ndryshe, sado e fuqishme të jetë një infrastrukturë anti-DDoS, ekziston një limit për kompanitë që mbrojnë të tilla sajte.

Megjithatë një startup i cili po kërkon një mënyrë për të adresuar këtë problem, beson se zgjidhja gjendet tek teknologjia blockchain.

Një prej formave të aplikimit për të cilën shquhet teknologjia në fjalë janë monedhat virtuale si bitcoin dhe sistemet e kontratave inteligjente.

Informacioni mbi këtë teknologji i shpërndarë në internet është thuajse i pa korruptueshëm dhe jo vetëm që nuk ka nevojë për një autoritet qendror që të menaxhohet por mbron informacionin duke i dhënë akses vetëm palëve të autorizuara.

Duke përdorur blockchain-in, startupi Gladius ka krijuar një sistem me të cilin njerëzit mund të japin me qira bandwidth-in e tyre të papërdorur ku në këtë rast mund të përdoret për të absorbuar trafikun e sulmeve DDoS.

Për pjesën më të madhe të të rriturve, bandwidth-i i tyre është thuajse i paprekur në shtëpitë e tyre duke krijuar një tepri të cilën Gladius kërkon ta shfrytëzojë.

Funksionon pothuajse në të njëjtën mënyrë siç funksionon Airbnb ku në vend që të lini shtëpinë tuaj bosh pa përfituar asgjë, mund ta lëshoni me qera.

Duke përdorur blockchain-in, Gladius së pari eliminon nevojën e një pale të mesme mes ofruesve të bandwidth-it dhe atyre që kanë nevojë për të si dhe mund të blihet vetëm kur një palë ka nevojë për të.

Pronarët e uebsajteve mund të përdorin bandwidth-in edhe për të përshpejtuar dërgimin e përmbajtjeve tek konsumatori (Content Delivery).

Pagesat në Gladius kryhen me anë të sistemit të saj të monedhës virtuale. Gladius do të fillojë një ICO në Tetor dhe ka planifikuar të fillojë operacionet vitin e ardhshëm.

Natyrisht si çdo startup edhe Gladius ka sfidat e tij për tu përballur. Së pari është herët për të mësuar nëse startupi do të arrijë të fitojë terren ndaj bizneseve me peshë në këtë sektor, megjithatë duke u shfaqur si diçka e re me një model të demokratizuar dhe mundësi të mëdha financiare, Gladius me të vërtetë e ka një shans.

Sigurisht nëse Gladius bëhet i suksesshëm, duhet të implementojë një siguri e cila ndalon hakerat të monetizojnë kompjuerat zombie duke i transformuar nga burim sulmi DDoS në mbrojtje kundër DDoS.

Gladius mund të jetë një prej pionerëve të përdorimit të blockchain për mbrojtje nga DDoS, por nuk është i vetmi. Me siguri në vitet e ardhshme do të shohim shumë teknologji bazuar në blockchain të cilat premtojnë modele më të mira të shfrytëzimit të burimeve për të adresuar sfidat e sigurisë. /PCWorld Albanian

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Dhurata e pazakontë e Kim Jong-un për shtetin fqinj, i dërgoi në Seul dy tonë të kërpudhave të rralla (Foto)

Dhurata e pazakontë e Kim Jong-un për shtetin fqinj, i dërgoi në Seul dy tonë të kërpudhave të rralla (Foto)

Shaqiri: E merituam fitoren ndaj PSG-së, te Liverpooli të gjithë lojtarët janë të nevojshëm

Shaqiri: E merituam fitoren ndaj PSG-së, te Liverpooli të gjithë lojtarët janë të nevojshëm

Turistët që ulen nëpër rrugët e Venedikut, rrezikojnë të dënohen me gjobë deri në 500 euro (Foto)

Turistët që ulen nëpër rrugët e Venedikut, rrezikojnë të dënohen me gjobë deri në 500 euro (Foto)

Formacionet bazë: Chelsea e dëshiron triumfin ndaj PAOK-ut në Selanik

Formacionet bazë: Chelsea e dëshiron triumfin ndaj PAOK-ut në Selanik

Veshja transparente që e shfaq me plot stil Kidën

Veshja transparente që e shfaq me plot stil Kidën

Juventusi refuzoi nënshkrimin me Barellan

Juventusi refuzoi nënshkrimin me Barellan

Portretet mbresëlënëse në galeritë e një bunkeri (Foto)

Portretet mbresëlënëse në galeritë e një bunkeri (Foto)

Aktivistja vegane hyri fshehtas në kasaphane, përshëndeti viçat që do preheshin për mish (Video)

Aktivistja vegane hyri fshehtas në kasaphane, përshëndeti viçat që do preheshin për mish (Video)

Si rrallë herë Tayna flet për ndjenjat në këngën e re

Si rrallë herë Tayna flet për ndjenjat në këngën e re

Perez i ka thënë Lopeteguit: Prioriteti jonë, fitimi i Ligës së Kampionëve në Wanda Metropolitano  

Perez i ka thënë Lopeteguit: Prioriteti jonë, fitimi i Ligës së Kampionëve në Wanda Metropolitano  

Enca kërkon atë që do, kjo vajzë i përgjigjet

Enca kërkon atë që do, kjo vajzë i përgjigjet

Njëra nga motrat Mustafa sot ka ditëlindjen

Njëra nga motrat Mustafa sot ka ditëlindjen

Modelja e njohur zbulon bashkëpunimin mes Tunës dhe këtij këngëtari?

Modelja e njohur zbulon bashkëpunimin mes Tunës dhe këtij këngëtari?

Papin: Neymar, Mbappe e Cavani nuk janë heronj, ata janë egoistë

Papin: Neymar, Mbappe e Cavani nuk janë heronj, ata janë egoistë

Fotografi që tregojnë pasagjerë të bezdisshëm, pranë të cilëve nuk do të donit të uleshit asnjëherë! (Foto)

Fotografi që tregojnë pasagjerë të bezdisshëm, pranë të cilëve nuk do të donit të uleshit asnjëherë! (Foto)

Muzeu ku ajo që sheh nuk duhet besuar – vendi në të cilin sytë fusin mendjen në “kurth” (Video)

Muzeu ku ajo që sheh nuk duhet besuar – vendi në të cilin sytë fusin mendjen në “kurth” (Video)