6 metoda për të rritur fuqinë dhe cilësinë e sinjalit Wi-Fi

06.03.2019 23:21
Rreshtat+- AShkronjat+- Printo
6 metoda për të rritur fuqinë dhe cilësinë e sinjalit Wi-Fi

Sinjali i Wi-Fi është i çmuar. Largësia nga routeri Wi-Fi do thotë se sinjali fillon të bjerë dhe shpejtësia e internetit të reduktohet.

Shkoni larg dhe do të hyni në një zonë “të errët” një vend ku Wi-Fi nuk arrin dot. Në një situatë të tillë mund të mendoni se çfarë duhet të bëjë për të forcuar sinjalin Wi-Fi?

A mund ta bëni të fortë saqë të dalë edhe jashtë shtëpisë? Në oborr? Tek komshitë? Përgjigja është “Po” mundeni. Ja sesi të rrisni fuqinë e sinjalit Wi-Fi.

  1. Ndryshoni routerin nga 802.11ac në 802.11ax
  2. Ndryshoni vendin e routerit
  3. Përdorni një rrjet wireless “Mesh”
  4. Përmirësoni antenat Wi-Fi
  5. Përdorni një zgjerues sinjali Wi-Fi
  6. Krijoni vetë një objekt për të rritur fuqinë e sinjalit

1. Ndryshoni routerin nga 802.11ac në 802.11ax

Një prej mënyrave më të thjeshta është të ndryshoni router. Mbase arsyeja pse sinjali është i dobët sepse përdorni një router 802.11g ose 802.11n. Sa më i vjetër standardi aq më i vogël mbulimi dhe kapaciteti i sinjalit. Ndryshimi më i madh mes këtyre standardeve dhe atij modern 802.11ac është kapaciteti që ofron mbi të njëjtat distanca.

Për shembull 802.11n prezantuar në 2009 mund të dërgojë deri në 600Mbps në distancë 90 metrash në ambiente të hapura dhe 45 metra në ambiente të mbyllura.

802.11ac prezantuar në 2014-ën transmeton 1.13Gbps në distancë të ngjashme.

Çfarë është 802.11ax?

Standardi 802.11 përditësohet nga IEEE krye disa vitesh. Standarti aktual i cili ka mbërritur tek routerët në 2014-ën është 802.11ac. Sot në 2019, IEEE po punon për të sjellë standardin e ri 802.11ax.

Ashtu si çdo standard i ri, 802.11ax rrit kapacitetin dhe mbulimin që një router i vetëm mund të ofrojë. Një përmirësim i madh është numri i kanaleve Wi-Fi të disponueshme në rrjet. Me 802.11ax do të ofrohen 256 kanale të tilla.

2. Ndryshoni pozicionin e router për të rritur fuqinë e sinjalit Wi-Fi

Sinjali Wi-Fi do të vuajë nëse e vendosni poshtë shkallëve. Ose në një rast apo pas një objekti prej alumini. Vendndodhja e routerit është tejet i rëndësishëm për mbulimin që ofron. Të vendosësh router pas objekteve të mëdha është mënyra më e mirë për ti reduktuar rrezen e mbulimit.

Vendi më i mirë për routerin Wi-Fi është mesi i shtëpisë që sinjali Wi-Fi të përhapet në mënyrë të barabartë.

3. Përdorni një rrjet wireless “Mesh”

Një rrjet wireless mesh është mënyra më e mirë për të pasur sinjal Wi-Fi të qëndrueshëm në çdo cep të shtëpisë. Rrjetet Wi-Fi Mesh përdorin më shumë se një pajisje të vetme për të mbuluar tërë shtëpinë me sinjal Wi-Fi. Rezultati është sinjal Wi-Fi po aq i fuqishëm në çdo dhomë dhe ambient të shtëpisë.

Ndryshe nga zgjeruesit e sinjalit Wi-Fi që krijon një rrjet të dytë, një rrjet mesh përdor një rrjet të vetëm të unifikuar wireless. Rrjet mesh përdoren gjerësisht nëpër markete, aktivitete sportive, festivale etj. Por në vitet e fundit teknologjia mesh Wi-Fi ka hyrë edhe në shtëpitë tona.

Ato janë të lehtë për tu përdorur dhe nuk kërkojnë të çmuar për tu konfiguruar.

4. Përmirësoni antenat Wi-Fi

Routeri juaj ka një antenë që përdor për të transmetuar sinjalin wiresless. Janë disa arsye pse duhet të konsideroni ndërrimin e antenave:

  • Rrisin mbulimin
  • Kontrollojnë drejtimin e transmetimit
  • Rrisin shpejtësinë e Wi-Fi

Zëvendësimi i antenave është mënyra më e shpejtë dhe e lehtë për të rritur fuqinë e sinjalit, mbulimin dhe shpejtësinë e internetit.

Gjithashtu jo vetëm që mund të ndërroni antenat e routerit por gjithashtu edhe antenat marrëse që përdorni në rastin e një kompjuteri desktop.

5. Përdorni një zgjerues sinjali Wi-Fi

Nëse keni një router modern 802.11ac dhe sinjali Wi-Fi ende vuan mund të përdorni një zgjerues. Këto pajisje zgjerojnë mbulimin e sinjalit Wi-Fi në shtëpinë tuaj pa qenë nevoja të shqetësoheni për të vendosur kabllo.

Zgjeruesit wireless më të thjeshtë janë ato powerline. Adapterët e tillë mjafton ti vendosni në një prizë elektrike, njërin afër routerit dhe tjetrin aty ku doni të zgjeroni sinjalin dhe kaq.

Megjithatë performanca e tyre varet nga cilësia e telabe elektrikë që keni në shtëpi. Nëse keni një shtëpi të vjetër me shumë gjasa një zgjerues powerline Wi-Fi nuk është zgjidhja e duhur.

6. Krijoni vetë një objekt për zgjerimin e rrjetit wireless

Një tjetër mënyrë e thjeshtë por shumë efektive është të krijoni vetë një objekt për të rritur fuqinë e sinjalit Wi-Fi. Shikoni videon mëposhtë për të mësuar sesi me mjete artizanale mund të rrisni cilësinë dhe fuqinë e sinjalit.

Lloji i antenës që krijoni vare nga distanca që dëshironi të përçoni sinjalin. Online ekzistojnë me dhjetëra video tutoriale që ju mësojnë të krijoni një mjet të tillë. /PCWorld Albanian

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


6 metoda për të rritur fuqinë dhe cilësinë e sinjalit Wi-Fi

6 metoda për të rritur fuqinë dhe cilësinë e sinjalit Wi-Fi

Vaksina kundër fruthit nuk shkakton autizmin te fëmijët

Vaksina kundër fruthit nuk shkakton autizmin te fëmijët

Fushata e takimeve informative të edicionit të 7-të të ICT Awards nis me Tiranën dhe Prishtinën

Fushata e takimeve informative të edicionit të 7-të të ICT Awards nis me Tiranën dhe Prishtinën

Fitbit i kundërpërgjigjet Apple dhe Samsung me orën e re inteligjente

Fitbit i kundërpërgjigjet Apple dhe Samsung me orën e re inteligjente

Janë zbuluar gjenet përgjegjëse të autizmit

Janë zbuluar gjenet përgjegjëse të autizmit

Çmontimi i Galaxy S10, telefoni i vështirë për tu riparuar

Çmontimi i Galaxy S10, telefoni i vështirë për tu riparuar

Ditë qetësie në Bali: Mbyllen aeroportet, ndalon interneti dhe zbrazen rrugët për të festuar Vitin e Ri Hindu (Foto)

Ditë qetësie në Bali: Mbyllen aeroportet, ndalon interneti dhe zbrazen rrugët për të festuar Vitin e Ri Hindu (Foto)

Firefox 67 mund të ketë zgjidhjen e duhur për përdorimin e lartë të memories

Firefox 67 mund të ketë zgjidhjen e duhur për përdorimin e lartë të memories

Kur do të mund të aplikohet te pacientët e tjerë trajtimi i virusit HIV që rezultoi i suksesshëm

Kur do të mund të aplikohet te pacientët e tjerë trajtimi i virusit HIV që rezultoi i suksesshëm

Interneti celular, Shqipëria ndër vendet me koston më të ulët për GB

Interneti celular, Shqipëria ndër vendet me koston më të ulët për GB

Shoqëria e këndshme mes këlyshëve të luanit dhe tigrit (Video)

Shoqëria e këndshme mes këlyshëve të luanit dhe tigrit (Video)

Shkencëtarët janë gati të zbulojnë një pilulë për parandalimin e plakjes

Shkencëtarët janë gati të zbulojnë një pilulë për parandalimin e plakjes

Putin mëson nga Kina, kërkon krijimin e një “Firewalli të Madh” në Rusi

Putin mëson nga Kina, kërkon krijimin e një “Firewalli të Madh” në Rusi

Telefoni i ri i Oppo ka një kamër selfie 48-megapiksel të pazakontë

Telefoni i ri i Oppo ka një kamër selfie 48-megapiksel të pazakontë

Ja arsyeja se pse fëmijët qajnë gjithmonë kur janë në aeroplan

Ja arsyeja se pse fëmijët qajnë gjithmonë kur janë në aeroplan

Tesla prezanton SUV e ri Model Y javën e ardhshme

Tesla prezanton SUV e ri Model Y javën e ardhshme