Krasniqi: Qeveria duhej të ishte më sqaruese pse vendosi taksën ndaj Serbisë

01.12.2018 20:01
Rreshtat+- AShkronjat+- Printo
Krasniqi: Qeveria duhej të ishte më sqaruese pse vendosi taksën ndaj Serbisë

Kryetari i Këshillit Kombëtar të Nismës Socialdemokrate, Jakup Krasniqi ka thënë se Qeveria do të duhej të ishte më sqaruese rreth taksës së vendosur ndaj Serbisë.

Në një postim në Facebook ai ka shkruar se, “çdo lufte që të imponohet – përgjigjja e duhur është urti”.

Ai ka pyetur se a po kuptohet e sa po kuptohet taksa 100% që Qeveria e Kosovës ua vendosi mallrave që vijnë nga Serbia dhe Bosnja e Hercegovina?

“Ndoshta, Qeveria është dashur të jetë më sqaruese dhe argumentuese pse erdhi deri te ky vendim. Nuk ka asnjë dyshim të vetëm, kanë ekzistuar 1001 arsyeje që Kosova ta vendosë një taksë të tillë. Gjithashtu nuk ka asnjë dyshim, taksa është politike e aspak ekonomike dhe ka ardhur pas shumë e shumë përpjekjeve serioze të palës shqiptare për të arritur normalizimin e marrëdhënieve me Serbinë, madje edhe pa asnjë kushtëzim. Shikuar në ketë rrafsh Kosova kishte një qëllim të mirë, por asnjë qëllim i mirë nuk mund të arrihet pa ekzistuar mirëkuptimi i dyanshëm”, ka shkruar ai, transmeton Koha.net.

Krasniqi shton se ajo që duhet thënë në mënyrë të qartë është, se taksa nuk është vendosur kundër asnjë njeriu të Kosovës, as ndaj pakicës serbe, madje as kundër bizneseve serbe, por është vendosur kundër politikës armiqësore serbe.

Madje, shton ai, qytetarët serbë të Kosovës dhe bizneset serbe në Serbi, të gjitha ankesat që kanë duhet t’i drejtojnë kundër qeveritarëve serbë të Beogradit.

“Ata janë përgjegjësit kryesorë të të gjitha raporteve serbe e shqiptare. Nëse ka dhe ka lumenj gjaku në mes serbëve e shqiptarëve, të gjitha përgjegjësit janë në Beograd dhe askund tjetër”, ka thënë Krasniqi.

“Ndoshta, ndërkombëtaret në përgjithësi e euro-perëndimoret në veçanti, e kanë edhe ndonjë “arsyeje” që mos t’i kuptojnë arsyet tona pse është vendosur taksa, por asnjë grupacion politik, ekonomik a shoqëria civile apo ndonjë komunitet tjetër në Kosovë, as që është dashur ta kenë ndonjë hezitim apo hamendësim për vendosjen e saj. Nëse ka ndonjë të tillë, nga këta të fundit, duhet të pyetën: Ku kanë jetuar në këto 50 vjetet e fundit apo mos kanë jetuar në ndonjë planet tjetër të Sistemit Diellor?!

Mbase shumëkush edhe mund të kuptohen, sidomos nostalgjiket, por njerëzit e politikës në përgjithësi e ata të politikës kombëtare (dikur) në veçanti është goxha vështirë që të kuptohen?! Epo, si të kuptohen?!”, ka shkruar Krasniqi.

Sipas Krasniqit taksa sot nuk është zgjedhje e dëshirueshme, ashtu siç nuk ishte as lufta e djeshme.

“Shkurt, kushdo nga shqiptarët kudo që jetojnë ata, nëse nuk e dinë pse ka ardhur deri të taksa e 100%, ai apo ata nuk e dinë as kah kanë ardhur e as në ç’drejtim duhet shkuar! Ata duhet ta dinë se, as rruga e luftës dje dhe as taksa e re sot, nuk ishin zgjedhje të dëshirueshme, ishin çështje të domosdoshme – ishin urti skënderbeiane. Gjenerata që nuk e dinë dhe nuk e dinë mirë drejtimin se kah duhet shkuar, le t’ua lëshojnë vendin atyre që dinë, duan e mund ta çojnë vendin në destinacionin e duhur”, ka shkruar Kransiqi.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


AP: Rusia e Serbia zotohen të forcojnë lidhjet, megjithë përpjekjen e Beogradit për t’iu bashkuar BE-së

AP: Rusia e Serbia zotohen të forcojnë lidhjet, megjithë përpjekjen e Beogradit për t’iu bashkuar BE-së

Rruga drejt BE’së: Pengesat që ka Kosova

Rruga drejt BE’së: Pengesat që ka Kosova

Ndarja e milionave shtesë për Bechtel-ENKA, kërkohen hetime

Ndarja e milionave shtesë për Bechtel-ENKA, kërkohen hetime

NISMA prapë kërkon rinumërim të krejt votave, dënim të komisionerëve mashtrues

NISMA prapë kërkon rinumërim të krejt votave, dënim të komisionerëve mashtrues

Gani Krasniqi ftohet nga Gjykata Speciale

Gani Krasniqi ftohet nga Gjykata Speciale

Dorëheqja si Zaev? Ministri Cakaj: Kryeministri dhe unë s’kemi premtuar që do hapen negociatat

Dorëheqja si Zaev? Ministri Cakaj: Kryeministri dhe unë s’kemi premtuar që do hapen negociatat

Bie Qeveria, Zaev: Shkojmë në zgjedhje të jashtëzakonshme

Bie Qeveria, Zaev: Shkojmë në zgjedhje të jashtëzakonshme

Paralajmërimi i Rusisë pas fitores së Kurtit: Në pushtet po vijnë ultranacionalistët

Paralajmërimi i Rusisë pas fitores së Kurtit: Në pushtet po vijnë ultranacionalistët

Petroviq: 28 personave që kanë ‘votuar’ u kemi fotografuar varrezat si dëshmi që kanë vdekur, na kanë thënë ‘për ne janë gjallë’

Petroviq: 28 personave që kanë ‘votuar’ u kemi fotografuar varrezat si dëshmi që kanë vdekur, na kanë thënë ‘për ne janë gjallë’

Haziri thotë se koalicioni me Vetëvendosjen zyrtarizohet me t’u certifikuar zgjedhjet

Haziri thotë se koalicioni me Vetëvendosjen zyrtarizohet me t’u certifikuar zgjedhjet

BE refuzon Shqipërinë dhe Maqedoninë Veriore (VIDEO)

BE refuzon Shqipërinë dhe Maqedoninë Veriore (VIDEO)

Nëna e Astrit Deharit: 3 javë para se ta vrisnin, djali ma ka thënë këtë mesazh

Nëna e Astrit Deharit: 3 javë para se ta vrisnin, djali ma ka thënë këtë mesazh

Edi Rama e fajëson BE-në për moshapjen e negociatave për anëtarësim të Shqipërisë

Edi Rama e fajëson BE-në për moshapjen e negociatave për anëtarësim të Shqipërisë

Diplomati amerikan: Mund të ketë konferencë për marrëveshjen Kosovë -Serbi

Diplomati amerikan: Mund të ketë konferencë për marrëveshjen Kosovë -Serbi

Arrestohet personi i cili shtiu me armë zjarri ne Junik

Arrestohet personi i cili shtiu me armë zjarri ne Junik

Kosova merr pjesë në Forumin ndërkombëtarë “E- Apostile Programme” në Fortaleza të Brazilit

Kosova merr pjesë në Forumin ndërkombëtarë “E- Apostile Programme” në Fortaleza të Brazilit