Lista e veteranëve, krimi i thjeshtë i përsosur i radhës

17.08.2018 18:42
Rreshtat+- AShkronjat+- Printo
Lista e veteranëve, krimi i thjeshtë i përsosur i radhës

Nga Arben Idrizi

Kuptohet, fryrja e listave të veteranëve është vetëm një krim më shumë në listën e përgjithshme të krimeve të kryera që nga lufta nga klasa politike kosovare. Kush më shumë e kush më pak, i përfshirë në pothuajse të gjitha krimet
Largimi i Prokurorit Special, Elez Blakajt, nga posti i tij, me arsyetimin se është ndier i kërcënuar në punën e tij, u përcoll me habi, por edhe me ndonjë akuzë që kërkonte t’i zhvlerësonte qëndrimet e tij.

Cilido që të jetë motivi i vërtetë i dorëheqjes së tij, ai ka lënë pas vetes një dosje të tërë të hetimit që ai ka bërë përkitazi me çështjen namkeqe të njohur si fryrja e listave të veteranëve të luftës. Nga hetimi, i pa kundërshtuar nga askush si i tillë, të paktën deri më tani, ka dalë se fryja ka ndodhur dhe praktikisht është bërë nga dhe me bekimin e disa prej figurave më të njohura të UÇK-së si dhe të krerëve të tanishëm të shoqatave të dala nga lufta. E në të vërtetë, për fryrjen kanë qenë në dijeni edhe të gjitha personalitetet e tjera politike, në krye të shtetit. Përveç ndonjë akuze të rrallë nga ndonjë deputet, që për më tepër tërë atë e bënte në vrullin e ndonjë inati politik, askush nuk ka bërë asgjë që fryrja të mos realizohet.

Për ta kryer këtë krim, ata kanë injoruar të gjitha paralajmërimet e FMN-së. Së fundmi, për ta mundësuar pagesën e rrogave sipas listave të fryra të veteranëve është plaçkitur edhe ai fond i mjerë i mezi grumbulluar i sigurimeve shëndetësore, i cili, për këtë shkak, nuk do të mund të funksionalizohet edhe disa vite.

Së fundmi, për ta bërë gjoja më të besueshëm mashtrimin, zyrtarët e verifikimit të listave – ndër të cilët spikat emri i gjeneralit Agim Çeku – kanë shkuar deri aty sa e kanë sajuar një brigadë të tërë, të quajtur ‘Hasan Prishtina’.

Duke lexuar procesverbalet dhe dokumente të tjera, të hulumtuara nga Prokurori, vërehet fare qartë se në të vërtetë autorët e krimit as që e kanë problem mashtrimin e hapur. Shqetësimi i tyre i vetëm, fare i vockël, është se mbase mund të ketë ndonjë pyetje të pakëndshme në opinion, për rrjedhojë duhet t’i kenë filan përgjigjet e gatshme.

Në dukje është një skenar i thjeshtë banditësh të rrugës, të veshur me uniforma zyrtare. Mund të duket i padëmshëm dhe shpejt i zbërthyeshëm, por në të vërtetë është krimi i thjeshtë i përsosur i një bande në krye të shtetit. Mashtrimi nuk është bërë nga një grup i izoluar, por nga një grup i mbikëqyrur dhe raportues te një autoritet i lartë, nga i cili ka marrë bekimin për cilindo keqpërdorim në interes të përbashkët të bandës. Krimin e kanë bërë të mundshëm të gjithë ish komandantët dhe eprorët e tjerë të UÇK-së. Tre prej tyre janë zyrtarët kryesorë të shtetit sot: Hashim Thaçi, Ramush Haradinaj dhe Kadri Veseli.

Meqë të gjithë e dinë, tingëllon bukur banale të thuhet se ai që është i përfshirë në një krim nuk do ta gjykonte kurrë veten për të tillë. Do të gjejnë, siç kanë gjetur deri më tani, marifete për ta heshtur të tërën.

Kuptohet, fryrja e listave të veteranëve është vetëm një krim më shumë në listën e përgjithshme të krimeve të kryera që nga lufta nga klasa politike kosovare. Kush më shumë e kush më pak, i përfshirë në pothuajse të gjitha krimet.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Lutfi Haziri emërohet shef i Ekipit Negociator të LDK-së për bisedimet me Vetëvendosjen

Lutfi Haziri emërohet shef i Ekipit Negociator të LDK-së për bisedimet me Vetëvendosjen

NATO shqyrton vendosjen e një baze detare në Shqipëri

NATO shqyrton vendosjen e një baze detare në Shqipëri

Fjalia emocionuese që Avni Dehari ia shkroi në mural Astritit

Fjalia emocionuese që Avni Dehari ia shkroi në mural Astritit

SHBA tregon tre hapat që do ndërmerren: Shqipëria do të fitojë vendin e saj në BE

SHBA tregon tre hapat që do ndërmerren: Shqipëria do të fitojë vendin e saj në BE

Përfundon takimi grupeve punuese të LDK-së dhe VV-së, dakordohen për reformat në fushën e ekonomisë

Përfundon takimi grupeve punuese të LDK-së dhe VV-së, dakordohen për reformat në fushën e ekonomisë

Matthew Palmer nesër viziton Shkupin

Matthew Palmer nesër viziton Shkupin

Kosnett në VV për të mësuar ku kanë shkuar bisedimet me LDK-në

Kosnett në VV për të mësuar ku kanë shkuar bisedimet me LDK-në

PDK’ja dhe AAK’ja të pavendosura rreth përfshirjes në dialog

PDK’ja dhe AAK’ja të pavendosura rreth përfshirjes në dialog

Policia mban sesion informues lidhur me pasojat e radikalizmit, parandalimin dhe risocializimin

Policia mban sesion informues lidhur me pasojat e radikalizmit, parandalimin dhe risocializimin

Kurti takohet me Yagcilar, shprehin gatishmëri për bashkëpunim

Kurti takohet me Yagcilar, shprehin gatishmëri për bashkëpunim

VV nuk heq dorë, do t’i kërkojë Supremes që të vendos pro numërimit të votave të diasporës

VV nuk heq dorë, do t’i kërkojë Supremes që të vendos pro numërimit të votave të diasporës

Investimet e KEK-ut në projektet e ambientit

Investimet e KEK-ut në projektet e ambientit

Rama: U bë disa herë që BE nuk mban fjalën, ja shembulli flagrant

Rama: U bë disa herë që BE nuk mban fjalën, ja shembulli flagrant

AGK reagon pas sulmit fizik ndaj gazetares

AGK reagon pas sulmit fizik ndaj gazetares

Ambasadori amerikan në takim me Daçiqin, flasin për Kosovën

Ambasadori amerikan në takim me Daçiqin, flasin për Kosovën

Kelmendi: Pa PDK-në nuk ka Kosovë, ne akoma nuk ja kemi nis

Kelmendi: Pa PDK-në nuk ka Kosovë, ne akoma nuk ja kemi nis