30 vite kanë kaluar dhe ky kompjuter Apple IIe ende funksionon

E publikuar: 18/02/2019 12:06
Rreshtat+- AShkronjat+- Printo

Një profesor nga Nju Jorku ju rikthye fëmijërisë së tij kur postoi imazhe të kompjuterit antik Apple IIe në Twitter ditën e Shtune.

John Pfaff e nxori kompjuterin nga papafingoja e prindërve ku kishte qëndruar për dekada. Megjithatë ai u surpriza kur pa se kompjuteri ende ndizej.

“Vendosa një disk të vjetër lojërash. Të pyet nëse do të rikthesh lojën e ruajtur dhe kur i thua po e gjen,” shkruante në Twitter Pfaff. “Mund të jetë 30 vjeçar ndërsa unë përsëri u ndjeva sikur të isha 10 vjeç.”

Apple IIe ishte modeli i tretë i Apple II Series lançuar në 1983. Ky version kishte për risi përdorimin e germave të mëdha dhe të vogla dhe butonat Shift dhe Caps Lock.

Të gjitha modelet e këtij kompjuteri u hoqën nga tregu në 1993.

Pfaff arriti të rikthente lojën e luajtur Adventureland, një lojë me komanda me tekst lançuar nga Scott Adams në 1978.

“Çfarë duhet të bëj tjetër?” shkruhej në ekranin e kompjuterit Apple IIe. “Kjo është pak problem sepse tre dekada më vonë nuk e mbaj mend mirë se ku e kam lënë këtë nivel të Adventureland.”

Pfaff gjeti floppy disqe të disa lojërave të ndryshme si Millionware, Neuromancer dhe Olympic Decathlon.

Përveç lojërave gjeti edhe kopje të notave të tij në shkollë e mesme dhe një shënim nga babai i tij.

“Gjeta letrën që babai më ka shkruar në 1986 kur isha 11 vjeç në një kamp veror,” shkruante ai. “Babai im vdiq një vit më parë.”

Pfaff u tregoi sistemin fëmijëve të tij dhe reagimi i tyre ishte ajo çfarë mund të prisni nga një gjeneratë iPhone X.

“Djali im i madh, i cili është 9 vjeç, më pyeti për Apple IIe, kompjuter është ai? Më pas shikoi floppy disqet dhe tha çfarë janë këto? Ata buzëqeshnin sepse u dukej qesharake. /PCWorld Albanian