Ky është qëndrimi i Telekomit të Kosovës rreth vendimit të Arbitrazhit

20.12.2016 21:04
Rreshtat+- AShkronjat+- Printo
Ky është qëndrimi i Telekomit të Kosovës rreth vendimit të Arbitrazhit

Telekomi i Kosovës, përmes drejtorit të vet manaxhues, bordit të drejtorëve, menaxhmentit etj, ka reaguar dhe e ka kundërshtuar vendimin e Tribunalit Ndërkombëtar të Arbitrazhit, i cili sipas reagimit, ka marrë “vendim negativ për Telekomin e Kosovës që është i obliguar të paguajë 26.1 milionë euro gjobë sipas kërkesës së Z-mobile”,
Ky është reagimi i plotë i Telekomit të Kosovës:

Telekomi i Kosovës, (unë si Drejtor Menaxhues i Telekomit të Kosovës, Bordi i Drejtorëve, Menaxhmenti dhe të gjitha punëtorët e Telekomit të Kosovës, me shqetësim të thellë morëm lajmin,- vendimin e Tribunalit Ndërkombëtar të Arbitrazhit, me seli në Londër dhe mbajtur në Vjenë të Austrisë.

Vendimi i Tribunalit Ndërkombëtar të Arbitrazhit, ka marrë vendim negativ për Telekomin e Kosovës, në të cilin vendim thuhet se Telekomi i Kosovës është i obliguar të paguajë 26.1 milionë euro gjobë, duke përjashtuar interesin e kalkuluar si dhe dhënien e bllokut të numeracionit prej 100 mijë numrave shtesë, sipas kërkesës së Z-mobile dhe vendimit të ARKEP. Gjithashtu vendimi i Tribunalit thekson se Z-Mobile duhet t’i jepen edhe shërbimet e 3G dhe 4G.

Ky vendim befasues dhe shqetësues për gjithë atë që quhet Telekom i Kosovës, është një prej vendimeve më të rrezikshme që është marrë nga ndonjë gjykatë në dëm të Telekomit të Kosovës dhe rrezikon seriozisht të ardhmen e korporatës,- deri në falimentim.

Publiku dhe klientët e Telekomit të Kosovës- Vala, duhet të jenë në dijeni se ky vendim i Tribunalit Ndërkombëtar të Arbitrazhit, erdhi pasi kompania Z-mobile, ka ushtruar padi pranë këtij institucioni, me pretendimet se është shkelur kontrata dhe nuk i janë ofruar shërbimet e kërkuara sipas kësaj kontrate.

Janë 4 pika, apo çështje, mbi të cilat u ushtrua padi dhe ne konsiderojmë se publiku dhe klientët e Telekomit të Kosovës duhet t’i dijnë.

Fillimisht të sqarojmë se kontrata mes Telekomit të Kosovës dhe Dardanet apo Z-Mobile, është nënshkruar në janar të vitit 2009, në mes të përfaqësuesve të kompanisë dhe drejtorit të atëhershëm të PTK-së, Shyqyri Haxha.

Kjo kontratë, e cila themeloi operatorin virtual Z-Mobile, parashihte që këtij operatorit t’i jepeshin 200 mijë numra, ndërsa raporti i të hyrave mes dy kompanive do të ndahej 73 për qind për Z-mobile dhe 27 për qind për Telekomin e Kosovës.

Z-Mobile arriti brenda një kohe t’i shesë 200 mijë numra dhe bëri kërkesë për një bllok prej 100 mijë numra të rinj. Kjo kërkesë u refuzua nga drejtori i atëhershëm, Ejup Qerimi dhe Bordi i Drejtorëve.

Kjo arsye dhe disa të tjera të cilat po i përmbledhim në formë të shkurtër, ishin pikat ku u mbështet padia e Z-Mobile.1. Vonesat në liferimin e SIM kartelave nga ana e PTK-së për Zmobile,2. Mos alokimi i bllokut numerik shtesë prej 100 mijë numrave që fillon me 045 7XX XXX,3. Mos dhënia e shërbimeve 3G dhe 4G, si dhe4. Degradimi i shërbimeve.Problemet me pikën e parë të mësipërme që ka të bëjë me vonesat në liferimin e SIM kartelave nga ana e PTK-së drejt Zmobile, datojnë që në vitin 2010 dhe vien si rezultat i dyshimeve te aktiviteteve jo ligjore, apo siç quhej “SIM to SIM”. Ky aktivitet, i humbiste miliona euro PTK-së së atëhershme.

Tutje, në vitin 2012, Zmobile i drejtohet PTK- së me kërkesën për lëshimin e numrave shtesë, me arsyetimin se 90% e 200mijë numrave të parë vetëm se janë utilizuar dhe se kanë nevojë për të tjerë. Kjo kërkesë është refuzuar nga Drejtori i atëhershëm I PTK-së, Ejup Qerimi. ARKEP, pati marrë një vendim ku kërkonte nga PTK që blloku numerik 045 7XX XXX ti rezervohet Zmobile, vendim i cili ishte atakuar nga PTK në gjykatën vendore, si vendim i padrejtë.

Gjithashtu, Në vitin 2014 Zmobile i drejtohet PTK-së me kërkesën për dhënien e shërbimeve të 3G dhe 4G. Përkundër disa takimeve të mbajtura në mes palësh, nuk arrihet në ndonjë marëveshje të pranuar për palët dhe ish Drejtori Ejup Qerimi së bashku me Bordin e Drejtorëve, refuzon dhënien e këtyre shërbimeve.

Në maj 2015, Telekomi i Kosovës njoftohet nga Tribunali Ndërkombëtar i Arbitrazhit mbi padinë e dorëzuar nga Dardafon.net në këtë arbitrazh me datën 14.04.2015, sipas pretendimeve të tyre në pikat e cekura më lartë.

Ne si Telekom i Kosovës, edhe pse kemi marrë vendimin e Tribunalit Ndërkombëtar të Arbitrazhit, pas njoftimit të Aksionarit, jemi duke u konsultuar me çdo instancë juridike dhe institucionale, për të parë mundësinë e ankimimit dhe refuzimit të këtij vendimi.

Po ashtu, i bëjmë thirrje Qeverisë së Kosovës, që të japë të gjithë asistencën e mundshme në këtë drejtim, pasi ky vendim rrezikon Telekomin e Kosovës, në të cilin punojnë mbi 2.300 punëtorë në mënyrë direkte, ndërsa 20 mijë familje jetojnë nga të hyrat që krijojnë prej aktiviteteve të kompanisë.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Hahn: Maqedonia ta bëjë edhe kilometrin e fundit

Hahn: Maqedonia ta bëjë edhe kilometrin e fundit

“Kudo ku ka shkelur çizmja e Mlladiqit, është bërë gjenocid”

“Kudo ku ka shkelur çizmja e Mlladiqit, është bërë gjenocid”

Jankoviq: Serbia e ka humbur Kosovën në të ’90-tat

Jankoviq: Serbia e ka humbur Kosovën në të ’90-tat

Haliti: Qëndrimi i gjatë i PDK’së në pushtet ndikoi në rezultat

Haliti: Qëndrimi i gjatë i PDK’së në pushtet ndikoi në rezultat

Serbia ka shtuar importin në Kosovë për 14 %, qe çka eksporton Kosova

Serbia ka shtuar importin në Kosovë për 14 %, qe çka eksporton Kosova

Qytetarët, të kënaqur me ndërrimin e pushtetit në Klinë

Qytetarët, të kënaqur me ndërrimin e pushtetit në Klinë

Votat me kusht ia sjellin fitoren AAK’së edhe në Istog

Votat me kusht ia sjellin fitoren AAK’së edhe në Istog

SHBA do ta rendisin K. e Veriut mes vendeve që mbështesin terrorizmin

SHBA do ta rendisin K. e Veriut mes vendeve që mbështesin terrorizmin

Thellohet kriza politike në Zimbabve

Thellohet kriza politike në Zimbabve

Kërkim masiv për nëndetësen e zhdukur argjentinase

Kërkim masiv për nëndetësen e zhdukur argjentinase

Dënohen me burg dhe me gjobë të akuzuarit për fajde dhe keqpërdorim detyre

Dënohen me burg dhe me gjobë të akuzuarit për fajde dhe keqpërdorim detyre

Haradinaj priti në takim Zyrtarin Kryesor Operues të MCC, Jonathan Nash

Haradinaj priti në takim Zyrtarin Kryesor Operues të MCC, Jonathan Nash

NISMA: Do të jemi në bashkëqeverisje në 11 komuna

NISMA: Do të jemi në bashkëqeverisje në 11 komuna

AGK lansoi raportin e dytë për lirinë e mediave dhe sigurisë së gazetarëve

AGK lansoi raportin e dytë për lirinë e mediave dhe sigurisë së gazetarëve

31 shtete pjesëmarrëse në konkursin e fotografisë në Preshevë

31 shtete pjesëmarrëse në konkursin e fotografisë në Preshevë

Pas më shumë se dy javësh, të enjten Kuvendi mban seancën e radhës

Pas më shumë se dy javësh, të enjten Kuvendi mban seancën e radhës