10 përgjigje për prostatën, që çdo mashkull duhet t’i dijë!

31.12.2018 12:26
Rreshtat+- AShkronjat+- Printo
10 përgjigje për prostatën, që çdo mashkull duhet t’i dijë!

1. Çfarë është prostata?



Prostata është një organ që gjendet te meshkujt që nga fëmijëria në dalje të fshikëzës së urinës, dhe rrethon të gjithë kanalin e urinës me një madhësi mesatare sa një arrë (rreth 18 gr).

Funksioni kryesor është prodhimi i një pjese të madhe të lëngut që mbartë spermën.

2. Cilat janë sëmundjet kryesore të prostatës?

Sëmundjet e prostatës përgjithësisht mund të ndahen në tre grupe:

1.Infeksionet e prostatës (prostatit).

2.Zmadhimi (hiperplazi) beninj i prostatës (HBP)

3. Kanceri i prostates.

Infeksionet e prostatës ashtu siç mund të duken në çdo moshë zakonisht quhen si sëmundjet e të rinjve.

Zmadhimi beninj i prostatës dhe kanceri i prostatës janë sëmundje që duken pas moshës 45-50 vjeç.

3. Çfarë është prostatiti?

Quhet në latinisht infeksioni i prostatës.

Mund të duket në çdo moshë.

Simptomat janë djegie, dhembje në fund të barkut ose poshtë testiseve, rrjedhje prej penisit ose ndjesi të kruajtjes brenda në penis.

Terapia zakonisht kryhet me antibiotikë dhe pacientit i kalojnë simptomat.

4. Çfarë është zmadhimi beninj i prostatës?

Me rritjen e moshës prostata fillon të zmadhohet si organ për shkak të disa shkaqeve të ndryshme, dhe mund të shkaktojë presion mbi fshikëz ose kanalin urinar duke krijuar ngushtimin e këtij kanali që quhet uretra.

Kjo gjendje quhet zmadhim (hiperplazi) beninj i prostatës.

5. Çfarë është kanceri i prostatës?

Kanceri i prostatës është kanceri i dytë që shfaqet më shpesh te burrat.

Zakonisht nuk është agresiv dhe nuk jep ndonjë simptomë që mund të vihet re nga pacienti.

Kur shoqërohet me zmadhim të prostatës mund të japë shqetësime, si urinim i shpeshtë dhe me vështirësi, kurse në fazat e avancuara mund të shkaktojë gjakderdhje në spermë ose dhembje në kocka.

6. Si zbulohet prania e kancerit të prostatës?

Kontrolli i pacientëve te mjeku urolog, që kanë kancer prostate në familje pas moshës 45 vjeç dhe te pacientët e tjerë në moshën 48-50 vjeç, është i domosdoshëm.

Në fillim bëhet ekzaminimi rektal i prostatës dhe pastaj shihet testi i PSA (prostatë specifik antigjen) në gjak.

Në rast se në ekzaminimin fizik vihet re fortësi në pjesën e prapme të prostatës mund të dyshohet për kancer të prostatës.

7. Çfarë është PSA dhe si vlerësohet?

PSA është një substancë që prodhohet nga qelizat e prostatës.

Në rast se është mbi një nivel të caktuar në gjak mund të dyshohet për kancer të prostatës.

Edhe në raste kur PSA është normale, pacienti ka mundësi që të ketë kancer të prostatës.

PSA mund të rritet edhe kur ka prostatit (infeksion të prostatës).

Si dhe një grup ilaçesh që përdoren për zmadhimin e prostatës mund të ulin PSA- në, ndaj ju duhet të tregoni mjekut tuaj për ilaçet që po përdorni.

8. Cilat janë metodat kirurgjikale për zmadhimin e prostatës?

Pas marrjes për një kohë të ilaçeve për zmadhimin e prostatës këta pacientë kanë nevojë për ndërhyrje në hapjen e kanalit të urinës.

Këto ndërhyrje mund të bëhen me kirurgji të hapur ose sipas metodave më të reja me operacion të mbyllur (TUR-Prostate).

Kirurgjia e mbyllur ose TUR-prostatës bëhet nëpërmjet një instrumenti fiberoptik, i cili futet nëpërmjet kanalit të urinës dhe heq prostatën nga brenda duke hapur kanalin e urinës.

Kohëzgjatja e këtij operacioni është rreth 1 orë dhe rreth 2-3 ditë shtrim në spital.

Operacioni i hapur i prostatës realizohet për prostata që janë më të mëdha se 90 gr dhe zgjat rreth 1,5 orë.

Pas operacionit pacienti qëndron rreth 4-5 ditë në spital.

Në operacionin e mbyllur të prostatës rreziqet që mbarten gjatë dhe pas operacionit janë minimale; kurse operacioni i hapur ka një përqindje më të lartë risku.

9. A ka probleme seksuale pacienti pas këtyre operacioneve?

Ajo që ndodh në këtë grupmoshë është që këta pacientë mund të kenë sëmundje të tjera që ndikojnë fuqinë seksuale si: diabeti, tensioni i lartë, sëmundje të zemrës etj.

Pas kirurgjive të mbyllura zakonisht nuk ka ndryshim ose mund të ketë ulje minimale të forcës seksuale, kurse te operacionet e hapura më pak se 15%.

10. A mund të parandalohen sëmundjet e prostatës?

Zakonisht një pjesë e madhe e këtyre pacientëve kanë prejardhje genetike, por pacientët duhet të përqendrohen në ushqimet natyrore me fruta dhe perime të freskëta.

Ushqimet e stilit perëndimor si fast-food pretendohet që rrisin rrezikun e kancerit të prostatës.

Megjithëse ka disa medikamente bimore në treg që prodhohen prej rrënjëve të pemëve etj, akoma asnjëri prej tyre nuk është provuar shkencërisht.

Prostata, si ndikon në jetën seksuale të mashkullit

Meshkujt që kalojnë kufirin e të 40-ve ndeshen shpesh herë me problemin e prostatës, një organ i lidhur ngushtë me seksualitetin.

Ndonëse shfaqet në moshën e mesme, prostata ka një rol kryesor në funksionimin seksual të mashkullit që në hapat e parë të adoleshencës.

Patologjitë e prostatës ndikojnë në mënyrë të drejtpërdrejtë në dëshirën e mashkullit për të kryer seks, por në të njëjtën kohë kushtëzojnë edhe nivelin e erektimit apo pamundësinë e arritjes së orgazmës.

Po ashtu prostata mund të dëmtojë edhe pjellorinë e mashkullit.

Është tashmë e vërtetuar se me shfaqjen e problemeve në këtë organ bie ndjeshëm libido ose siç njihet ndryshe dëshira për të kryer marrëdhënie seksuale.

Edhe terapitë ndaj patologjive që shfaqen në prostatë japin çrregullimet e tyre në funksionimin seksual të meshkujve, pasi organet gjenitale janë të lidhura ngushtë edhe me funksionet urologjike.

Shenjat janë të dukshme sidomos në ndryshimin e ndjesisë së orgazmës apo dhe ngjyrës së spermës.

Kjo e fundit zëvendësohet në shumë raste nga lëngu spermatik që del në mënyrë të pavetëdijshme, por që në fakt nuk ka lidhje me kënaqësinë seksuale.

Ndaj dhe në një masë të madhe seksualiteti i mashkullit varet nga ky organ, i cili shfaq problem kryesisht në moshën e mesme dhe atë madhore.

Tre gabimet e mëdha që bëhen me prostatën

1: Qëndrimi ulur në të ftohtë për kohë të gjatë. Asgjë tjetër nuk e dëmton prostatën më shumë sesa qëndrimi ulur për një kohë të gjatë, temperaturat e ulëta dhe konsumi i lartë i alkoolit.

Kështu nuk rritet vetëm rreziku për një infeksion të traktit urinar dhe për Prostatë, por edhe për bllokim të plotë të urinimit (anuri).

Ngrohtësia, p. sh. një banjë me kamomil, përkundrazi është shumë qetësuese.

2: Të shtysh për më vonë nevojën për urinim. Kush e shtyn për më vonë nevojën për urinim tendos dhe irriton fshikëzën e urinës.

Edhe ky gabim rrit rrezikun për një bllokim të plotë urinimi.

Më mirë: Shkoni rregullisht në tualet dhe zbrazeni plotësisht fshikëzën e urinës.

3: Vizita e vonuar tek mjeku. Studime tregojnë se përafërsisht një në tre burra me shqetësime prostate trajtohet nga mjeku.

Sa më herët të fillojë një terapi, aq më të mëdha janë shanset për të qetësuar shqetësimet dhe të shtyhet një operacion i mundshëm.

Në rast se keni dhimbje në pjesën e fundit të barkut apo në vendndodhjen e veshkave duhet të konsultoheni menjëherë tek mjeku.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Përdoruesit pa pagesë të Dropbox mund të instalojnë aplikacionet vetëm në tre pajisje

Përdoruesit pa pagesë të Dropbox mund të instalojnë aplikacionet vetëm në tre pajisje

Samsung zbulon planin ambicioz me ekranet e smartfonëve

Samsung zbulon planin ambicioz me ekranet e smartfonëve

Huawei është gati nëse SHBA i ndalojnë përdorimin e Android dhe Windows

Huawei është gati nëse SHBA i ndalojnë përdorimin e Android dhe Windows

Arsyeja pse Facebook, Instagram dhe WhatsApp ishin jashtë shërbimi për 14 orë

Arsyeja pse Facebook, Instagram dhe WhatsApp ishin jashtë shërbimi për 14 orë

Momenti kur dy gra përleshen me njëra-tjetrën, para fëmijëve të tyre – në një autobus në Angli (Video)

Momenti kur dy gra përleshen me njëra-tjetrën, para fëmijëve të tyre – në një autobus në Angli (Video)

Konferenca e Zhvilluesve të Apple mbahet më 3-7 Qershor

Konferenca e Zhvilluesve të Apple mbahet më 3-7 Qershor

Demi i arratisur përfundon në autostradë, u desh intervenimi i policisë për të “zhbllokuar” komunikacionin (Foto)

Demi i arratisur përfundon në autostradë, u desh intervenimi i policisë për të “zhbllokuar” komunikacionin (Foto)

13 Marsi dita më e keqe në historinë e Facebook

13 Marsi dita më e keqe në historinë e Facebook

Smartfonët shpëtojnë një tjetër jetë në Australi

Smartfonët shpëtojnë një tjetër jetë në Australi

Notuesi u sulmua nga mjellma, i shkoi shumë afër gjatë notimit në liqe (Video)

Notuesi u sulmua nga mjellma, i shkoi shumë afër gjatë notimit në liqe (Video)

Selena Gomez paralajmëron albumin e ri

Selena Gomez paralajmëron albumin e ri

Telegram i shtohen 3 milionë përdorues të rinj gjatë ndërprerjes së shërbimit të Facebook ditën e djeshme

Telegram i shtohen 3 milionë përdorues të rinj gjatë ndërprerjes së shërbimit të Facebook ditën e djeshme

Rritet numri i laptopëve HP me bateri që shpërthejnë në flakë

Rritet numri i laptopëve HP me bateri që shpërthejnë në flakë

Projektligji që ndalon “lajmet e rreme” i niset Putinit për nënshkrim

Projektligji që ndalon “lajmet e rreme” i niset Putinit për nënshkrim

Minecraft arrin në 91 milion lojtarë aktivë

Minecraft arrin në 91 milion lojtarë aktivë

NATO zgjedh BlackBerry për sigurinë e komunikimit

NATO zgjedh BlackBerry për sigurinë e komunikimit