Presidenti i Kosovës Hashim Thaçi ka publikuar fotografinë e parë pas kthimit nga Gjykata Speciale në Hagë.
Ai sot ka vizituar Malet e Sharrit, me ç’rast ka publikuar një foto në llogarinë e tij në Facebook.
“Në mesditë nëpër ujëvarat e shpateve të maleve të Sharrit”, ka shkruar Thaçi.
Kreu i vendit tonë së fundi ishte për intervistim katër-ditor në Hagë, pas publikimit të propozim-aktakuzës për kinse krime lufte.
Derisa nuk ka dhënë detaje nga intervistimi i tij, presidenti Thaçi më herët kishte hedhur poshtë akuzat e speciales, duke thënë se ligjin e vetëm që e kishte shkelur gjatë luftës kishte qenë ai i kasapit të Ballkanit, Sllobodan Millosheviq.
