​Fetahu: Llapi nuk do t’ia besonte asnjëherë votën atyre që bëjnë thirrje për dhunë

27.11.2020 16:03
Rreshtat+- AShkronjat+- Printo
​Fetahu: Llapi nuk do t’ia besonte asnjëherë votën atyre që bëjnë thirrje për dhunë

Partia Demokratike e Kosovës, po konsideron se Llapi, si qytet me histori të lavdishme asnjëherë nuk do t’ia besonte votën atyre që ftojnë qytetarët “t’i kapin stupcat kundër njëri-tjetrit”. Sipas tyre, vota nuk duhet t’i besohet as atyre të cilët për 20 vjet, model të qeverisjes patën “premto dhe gënje sa më shumë”.

PDK është e bindur në fitore në zgjedhjet e së dielës, me kandidatin Naim Fetahu.

Ky i fundit në mbyllje të fushatës pesë ditore ka përmendur kryetarin Kadri Veseli e presidentin Hashim Thaçi, duke thënë se janë të pikëlluar, e me mendje në Hagë ku po mbahen ish-pjesëtarët e UÇK-së.

Nga Podujeva ai u ka uruar festën e 28 nëntorit, Hashim Thaçit e Kadri Veselit dhe bashkëluftëtarëve të tyre.

“Llapjanët i dinë të gjitha, llapjanët në qendër të qytetit, nëpër lagje të ndryshme dhe të gjitha fshatrave në lëkurën e tyre e kanë vuajtur keqmenaxhimin… Tani është në dorën tuaj të zgjidhni atë që ju përfaqëson më së miri. Unë për dy gjëra jam i sigurt, Llapi si një qytet me të kaluar të lavdishme që ka ditur të kap armët kur ka qenë e nevojshme, asnjëherë ama asnjëherë votën nuk do t’ia besonte dikujt qe bën thirrje në dhune brenda shqiptarëve. Dikujt që fton llapjanët të kapin stupcat kundër njëri-tjetrit. Llapjanët asnjëherë, por asnjëherë nuk do ta votojnë dikë që pasurinë e tyre e merr dhe e dërgon në shtëpinë e tyre. Ju e dini për kë e kam fjalën, për dikë që para gjashtë muajsh Albin Kurtin e quante të kuq dhe armik të Kosovës, ndërsa sot garon me flamurin e tij”, deklaroi Fetahu.

Ndër tjera, Fetahu tha se kundërshtari i tyre, partia Lidhja Demokratike e Kosovës për dy dekada ka keqpërdorur besimin e llapjanëve.

“Llapjanët janë lodhur me rrena 20-vjeçare. Llapjanëve u është keqpërsorur besimi i tyre në emër të ndryshimit për punë te këqija. Po ua marr vetëm një shembull të këtij keqpërdorimi dhe të kësaj rrene të madhe të LDK-së. Gjatë luftës kemi pasur spital ushtarak, ku janë mjekuar me qindra luftarakë. 20 vjet pas luftës LDK nuk ka qenë në gjendje të ndërtojë një spital në Podujevë. Pa pikën e marrës ish qu ministri i Shëndetësisë, Armend Zemaj së bashku me nënkryetarin e komunës dhe prezantuan edhe një herë një projekt për spitalin në kohë fushate. Marre e madhe që pas humbjes së mëdha qe patem gjate pandemisë në Podujevë, e ku komuna nuk pati mundësi t’iu dal në ndihme banorëve ne mungesë te spitalit, të qohen t’iu premtojnë një spital për Podujevën. Kjo është qeverisja dhe modeli i LDK-së: “premto dhe gënje sa më shumë”, shtoi Fetahu.

Fetahu premtoi se nuk do të ketë më gënjeshtra ndaj llapjanëve, duke ftuar qytetarët që t’ia besojnë votën, meqë Podujeva sipas tij meriton më shumë.

Ai premtoi se kategorive të dala nga lufta të cilët janë injoruar për 20 vjet, do t’u kthehet dinjiteti. Premtim pati edhe për 950 familje me asistencë sociale, ku tha se nga një familjarë i tyre do te punësohet.

Ndërsa, ushtruesi i detyrës të kryetarit të PDK-së, Enver Hoxhaj tha se gjatë këtyre ditëve kanë biseduar me qytetarët e Podujevës, dhe për ta tha se Fetahu është shpresa e vetme për ta ndryshuar vendin.

“Janë dy arsye kryesore pse qytetarët e Besianës duhet të votojnë Naim Fetahun. Së pari e ka programin e ka më të mirë, dhe nuk është nje program i cili i ndërruar në mashtrime, rrena, dhe propagandë. Dhe së dyti Naim fetahu e përgafitjen më të mirë si ekonomist, intelektual, si njeri që ka udhëhequr institucione të ndryshme të ekonomisë për ta ndryshuar Podujevën dhe për të qenë adresë e zhvillimit të Podujevës. Në këto zgjedhje ka tre kandidatë për kryetar të Podujevës. Por janë dy modele të qeverisjes, një model i parë i qeverisjes të cilët llapjanët e kanë pare për 20 vite të fundit, i cili ka te bëjë me korrupsionin, uzurpimin dhe keqmenaxhimin dhe modeli i dytë i së ardhmes i cili ka të bëjmë me zhvillimin, planifikimin dhe krijimin e vendeve të reja të punës”, shtoi ai.

Ndryshe, sot përmbyllet fushata zgjedhore për kryetar të komunës së Podujevës dhe Mitrovicës se Veriut. Të dielën do të mbahen zgjedhjet e jashtëzakonshme, ku garojnë Nexhmi Rudari nga Lidhja Demokratike e Kosovës, Naim Fetahu nga Partia Demokratike e Kosovës dhe Shpejtim Bulliqi nga Lëvizja Vetëvendosje.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Rama në Kukës: Më mungon Thaçi, i dërgoj një përqafim, ja pse aeroporti quhet “Zayed”

Rama në Kukës: Më mungon Thaçi, i dërgoj një përqafim, ja pse aeroporti quhet “Zayed”

Belgjika bën thirrje për përfundimin e dialogut Kosovë – Serbi me një marrëveshje historike

Belgjika bën thirrje për përfundimin e dialogut Kosovë – Serbi me një marrëveshje historike

Obradoviq: Dokumenti jozyrtar për ndryshimin e kufijve i jep karburant Kurtit

Obradoviq: Dokumenti jozyrtar për ndryshimin e kufijve i jep karburant Kurtit

11 viktima e 364 raste të reja me COVID-19 në Kosovë

11 viktima e 364 raste të reja me COVID-19 në Kosovë

Mosbesim ndaj vaksinave si pasojë e  lajmeve të rreme

Mosbesim ndaj vaksinave si pasojë e lajmeve të rreme

Mbyllet spitali Covid-3 në Tiranë, shkak bëhet ulja e numrit të pacientëve

Mbyllet spitali Covid-3 në Tiranë, shkak bëhet ulja e numrit të pacientëve

A do t’iu konfiskohet pasuria edhe qytetareve të zakonshëm me ligjin e ri?

A do t’iu konfiskohet pasuria edhe qytetareve të zakonshëm me ligjin e ri?

Të ndryshojë preambula për Kosovën në kushtetutën serbe, Daçiq: Histori boshe

Të ndryshojë preambula për Kosovën në kushtetutën serbe, Daçiq: Histori boshe

Mbetet ora policore, hapet gastronomia – këto janë masat që pritet t’i miratojë sot Qeveria

Mbetet ora policore, hapet gastronomia – këto janë masat që pritet t’i miratojë sot Qeveria

Izraeli shfuqizon masën për vendosje të maskës në ambiente të jashtme

Izraeli shfuqizon masën për vendosje të maskës në ambiente të jashtme

Vuçiq flet për mundësinë e ndryshimit të kufijve në Ballkan dhe bashkimin e Kosovës me Shqipërinë

Vuçiq flet për mundësinë e ndryshimit të kufijve në Ballkan dhe bashkimin e Kosovës me Shqipërinë

Kurteshi: Shumica e medieve në Kosovë – produkt i krimit të organizuar

Kurteshi: Shumica e medieve në Kosovë – produkt i krimit të organizuar

Deputetja e LDK-së: Pushteti “Krejt dhe Drejt” po i frikëson gazetarët

Deputetja e LDK-së: Pushteti “Krejt dhe Drejt” po i frikëson gazetarët

Mitrovicë: Konflikti në mes të dy policëve që la të vdekur një person dhe tre të plagosur

Mitrovicë: Konflikti në mes të dy policëve që la të vdekur një person dhe tre të plagosur

Biznesmeni i njohur i dyshuari për vrasjen e të riut në Mitrovicë

Biznesmeni i njohur i dyshuari për vrasjen e të riut në Mitrovicë

Mavraj: Më habiti pakëz nënshtetësja gjermane me thirrjet për aksion kundër mediave, të tjerët jo

Mavraj: Më habiti pakëz nënshtetësja gjermane me thirrjet për aksion kundër mediave, të tjerët jo